العيد فرحه بس احترم نفسك

هاااااااااااااااااااااه هاااااااااااااااه هااااااااااه

العيد فرحه يا جماعه كل سنه وانت طيبين ايه اخباركم طبعا انتم عارفين ان العيد فرحه

-مش كده- مع انى بقالى كتير مش حاسس بكده لانه بقالى عيدين بقضى العيد نوم والحمد لله

بس انا فتكر ان العيد زمان كان بيبقى فرحه لانى بشوف كل زمايلى واقرايبى ونتفسح وكان بيبقى يوم جميل

المهم يعنى سيبكم منى انتم نويين تقضوا العيد ازاى ............

يعنى لو كنت ناوى مثلا تركب مركب فى النيل تروح حديقه الحيوان او تقعد فى البيت تنفخ البلالين وتفرقعها ولا تقعد تفرقع صواريخ وتركب مراجيح تبقى انت كده راجل تماااااام وعيد سعيد عليك

بس انا معتقدش انك تعمل كده ليه بقى؟؟؟؟؟؟؟؟؟؟؟؟

لانك شكلك واد بايظ وشايف نفسك وناوى تقضيها معاكسات و..........ربنا يستر

يعنى مثلا ممكن يحصل زى اللى بيحصل فى كل عيد من حالات للتحرش والمعاكسات وتقول لنفسك وماله ما العيد فرحه وايه يعنى

تبقى انت كده بجد اى كلام ووراجل تعبان و بتهيص مع الهيصه

كده زى العبيط

خليك راجل تمام والعب بالبومب والصورايخ سيبك من المعاكسات واركب مراجيح مع صحابك وكل مصاصه كمان

هههههههههههه

وربنا يوفقك ومتنساش تتغذى كويس بس ما تفتريش فى لحمه العيد

وكل سنه وانتم طيبين

يا ترى عامل ايه دلوقتى يا بوش

خلااااااااااااص الانتخابات الامريكيه خلصت واوباما كسب

بس يا ترى بوش دلوقتى عامل ايه؟؟؟؟؟؟؟؟؟؟؟؟؟؟؟

زمانه بيلم فى شنطه هدومه الغلبان دلوقتى وهو بيعيت ويتشنهف و عامل زى المتطلقه ههههههههه

بس اكيد هو زعلان اوى علشان مش عندهم قانون الشقه من حق الزوجه

وتلقيه يا عينى بيدور على شغل دلوقتى ومش لاقى

او ممكن يكون بيخلص ورقه علشان يعرف يصرف المعاش

او احتمال انه يكون انه يكون دلوقتى قاعد على القهوة وعمال يلعب طاوله وكوتشيه على المشاريب طبعا

او ممكن تلاقيه عمال يلف على الناس الواصله اللى كان يعرفهم واللى اكيد هينفضوا له

و ممكن لو كانت العمليه ملطشه معاه اوى يشوف له عقد عمل بره فى اى حته ويقول بالمره على نفسه

انه داعيه للسلام ولنشر الحب والعدل بين الناس اصل الحكايه دى تقربيا موضه عندهم

والاحتمال الارجح بقى انه هيروح على المزرعه اللى دايما كان قاعد فيها ويشتغل فى تربيه الفراخ والارانب

او ممكن يألف كتاب عن المصايب اللى عملها ويقعد يلم الغله زى اللى قابله

هو انا بخرف ولا ايه

ايه التخاريف اللى انا بقولها دى

هو اكيد راقد على خميره جامده وهيبقى من المستثمريين

وانا باسم الشعب المصرى ادعوه يجى يستثمر عندنا يلاااااااا هى جت عليه

ما انتم طبعا عارفين شعارنا " مصر بتتقدم بينا وتحيا مصر وافريقيا"

اللي جدع يقول لي عنوان الموضوع ده ايه ...

ميزة الوزرة و المحافظين في مصر اليومين دول إنك تسمع عنهم ولا تراهم شغلتهم الوحيدة انهم يطلعوا في الجرايد و يتصوروا وخلاص ناقص انهم يكتبو مذكراتهم و يفرضو انها تنشرا ( طيب ممكن ايه اللي يعملوه يطلعوا قرار بيقول كل رغيف عيش معاه مذكرة لفلان و كده يعني اشتري الرغيف ابو ربع جنية و معاه الجزء الاول من مذكرات الوزير الفلاني ) او ( يعملوها علي حلقات و يذعوها بعد احوال الطقس في فقرة توقعات رغيف العيش غدا ) و طبعا مننساش ان كل واحد فيهم كل مايطلع نلاقي ابتسامته شبرين و منخدش منهم اللي الكلام

طيب اسمع الحكاية دي :
بيقول لك كان في مرة وزير كل ما يجي يمشي بالعربية يلاقي واحد صحبة من زمان اسمة حسنين يقوم يركبة العربية معاة طيعا الحكاية دي بتحصل كتير . و اللي كان محير حسنين لية اوزير دة بيضحك علي طول

و في مرة حسنين كان معزوم عند ناس قريبة لهم علاقة شغل مع الوزير دة
وقد حضر حسنين للعشاء وسألنا: (هوه الراجل ده بيضحك علي إيه؟)

فقال له أبي (بصراحة هوه بيضحك عليك)

وحذرته أمي قائلة (مادام بيضحك عليك يبقي بلاش تهزر معاه مش عايزين مشاكل)

وقالت أختي (والحته اللي تشوفه فيها سيبها وإمشي... هوه بيقعد فين؟)

قال حسنين (بيقعد في العربية ورا السواق)

قالت أمي (خلاص يبقي إنت تقعد قدام جنب السواق ومالكش دعوة بيه خالص وخلي كلامك مع السواق وخليه هوه يلم الأجرة)

وقال أبي (ما بلاش تركب معاه خالص وخد الميكروباص اللي بعده)

وقالت أختي (مادام مش معاك في الشركة بتركب معاه ليه؟)

قال حسنين (هوه اللي كل شوية يقف لي بالعربية ويقول لي تعالي أركب معايا نعطل المرور)

قالت أمي (هوه مش ممكن يدينا العربية نزف بيها البنت وياخد اللي هوه عايزه إنشالله عشرين جنيه)

وقال حسنين عن نفسة إنه قرر أن يرتدي النقاب أبو عين واحدة ويصبح قرصان أعالي البحار علشان ما حدش يعرفه ويقف له بالعربية... قالت أختي (فعلاً أنا عندي صاحبتي لابسه نقاب بعين واحدة وأهلها بيعرفوها عن طريق الـ(DNA )

قالت أمي (أنا أكلته البتاع ده قبل كده وما عجبنيش)

قال أبي (قومي يا وليه أغرفي ودوقيه لابن أختك و بطلي غباء البتاع ده مبيتكلش ده بيتشم )

قال حسنين (متشكر يا عمي أنا لسه جاي من البيت ولقيت عندنا الفلافل سخنه عملت لها كمادات)

صرخت أختي (عملت كمادات للفلافل يا حسنين بكره يا أخويا تاخدها السيما)

صرخ حسنين (أنا عملت إيه يا عالم؟)

قالت له أمي (برضه ركوبك العربية مع واحد غريب غلط).

ههههههههههههههههههههههههههههه

هههههههههههههههههههه

ههههههههه

ههه

هههههههه

هههههههههههههههه

هههههههههههههههههههههههههههههههه

هو هنا زى هناك (انتخابات امريكا بعيون مصريه)

صحيح هو هنا زى هناك


طب ايه ده بقا ...........


ايوة اكيد هنتكلم على الانتخابات الامريكيه هى جت علينا ما الكل بيتكلم .دى بقت ولا المسلسلات بس اكيد كلامنا


هيبقى مختلف خالص


انا على فكره مرحتش امريكا قبل كده بس يلا نتخيل شكل الانتخابات هتبقى ازى فى امريكا


فمثلا لو مشييت فى الشارع هتلاقى صور كتير واعلانات وحاجات كتير


تلاقى مثلا اعلان كتوب عليه "الحاج ميك يؤيد باراك اوباما "


تجى تتمشى فى حته تانيه تلاقى اعلان تانى مكتوب عليه


" بقاله gige تؤيد جون ماكين وكل اهالى نيو جرسى فى بقاله gige كل اللى انت عاوزه موجود"


وعلى اليمين تلاقى صوان كبير والناس عليه امم


وتلاقى باراك اوباما عمال نازل خطب وشغاااااااال


"خلاص هنوفر رغيف العيش و هنبنى مساكن شعبيه ومش هتبقوا ملاحقين على الشغل والحياه بقى لونها بمبى"


وسبحان الله فى المكان اللى جنبه على طول تلاقى صوان لجون ماكين - _ شوفت هى دى الحريه_ والناس عليه برضه


امم وشغااااااااال هو كمان


"بالنسبه لموضوع العيش فالفينو حل المشكله وهندى لكل مواطن فيلااا بالتقسيط المريح والتعليم طبعا ذى مانتم عارفين


الشعار بتعنا (مدرستى جميله ونظيفه ومتطوره)"


ونيجى بقى ليوم الا نتخابات تلاقى اللجان مرشقه امن مركزى ده طبعا علشان حفظ الامن زى ما انتم عارفين


تلاقى مثلا اللى بينادى


يلا رشح ماكين واكسب عشره دولار


والتانى بيقول تعالى على اوباما بعشرين


وطبعا لازم رجاله شيكاغو يكون لهم دور فى اليوم ده . ده هم اساس البلطجه





واليوم يعدى بسلام


وبكده تكون الانتخابات تمت فى منتهى النزاهه


هههههههههههههههههههههههههه

(مصر هى امى ) بس معرفتش تربينا

مصر هى امى اكيد طبعا

يعنى مين اللى بيعلمنى ومين اللى بيعالجنى ومين اللى مبيرضاش يشغالنى اكيد طبعا هى مصر امى وامنا كلنا

وعلى فكرة مصر دى ام طيبه اوى اوى اوى و بتحب كل ولدها

يعنى مثلا هى متعالجناش كويس ليه اكيد طبعا علشان نستريح على طول وندخل الجنه

يعنى فى حب اكتر من كده

اما بالنسبه للشغل فمصر اللى هى امى وامك ما بتحبش تتعب اولادها فى الشغل والكلام الفاضى ده

فبتخليهم قاعدين جنبها على القهوة يعنى منهم يرتاحوا ومنهم يفدوها لو عايزة تشترى حاجة

شفتوا حب اكتر من كده !!!!!!!!

بس ياخسارة

من كتر الدلع اللى اتدلعناه طلعنا مش متربيين

يعنى بقينا متضايقيين من عيشتنا وقرفنين من اى حاجة وده طبعا من الدلع الزياده

يعنى بيقت تلاقى الناس بتحتج وتعمل اضرابات واعتصامات وبقيت تلاقى كل الجرايد والمجلات مش طايقيين الوضع

فى مصر ............

اهو كل ده من الدلع الزياده

وبقينا نسمع كلمه جديده اسمها لالالالالالالا

ونسنا الكلام الحلو بتاع زمان زى تمام يا فندم واحلامك اوامر وكمان تحيا مصر وافريقيا

والله كان كلام حلو كان وبيريح

بس يا خساره مصر معرفتش تربى وبقى كل الناس بتخبط فيها

وطلع واحد زيى علشان يتتريأ هههههههه

شهر الديناصورات

كل سنه وانتم طيبين رمضان كريم ........

اهلا رمضان اهلا رمضان

احسن حاجة فى رمضان فى مصر ان ساعه الفطار بتحس ان الناس قاعدين على السفرة

بتحفز وكل واحد قاعد يسخن اللى تلقيه عمال يلعب فى المعالق والتانى اللى بيملا كبايه الميه

واللى بيبقى قاعد بيعد بس عمال يبص للاكل ويقله خلاص فضل دقيقتين انا جاىىىىىى

وفى وسط الجو ده فجاه وبدون سابق انذار المدفع يضرب بوووووووووووم

والاذان ياذن وتلاقى كل الناس اللى قاعده على السفره اتحولوا من حاله السكون اللى كانوا عليها لحاله غريبه اكيد كلكم عارفينها وتلاقى كل واحد فيهم يتمنى انه فى الوقت ده يكون عنده حوالى

6 ايد و3 فم علشان يلحق يكوش على اكبر كميه من الاكل

بس بجد بيبقى ماتش مثير لدرجة ان مفيش حد بيبقى فاضى يشوف التانى بيعمل ايه

المهم بعد 5 دقائق من بدايه الماتش يبدا الناس تفوق بقى ويبتدوا يعزموا على بعض ويحلفوا

والله لازم تاخد الحته دى منى والتانى يقوله بس انت خالى بالك من نفسك وكل الاول وتبدا المجاملات .......................

ووبعد الفطار الجامد ده تلاقى كل واحد بقى منفوخ على الاخر ومفيش حتى مكان للنفس

وتحس انك قاعد فى وسط مجموعه من الدايناصورات

ده طبعا بيكذب اللى بيقولوا ان الدايناصورات انقرضوا

وكده الناس غيروا اسم شهر رمضان من شهر الطاعة والعبادات الى شهر الديناصورات

فيا سلام لو الزمان يررجع زى زمان ويرجع تانى شهر العبادات ونقضى بقى على الديناصورات

هههههههههههههههههههههه

دوره بيكين

السلااااااااااام عليكم ايه اخبركم ان شاء الله تكونوا كويسيين

اكيد كلكم شفتوا دورة بيكين وشفتوا اد ايه هى كانت ناجحة بس ياترى هى نجحت بالبركة كدة ولا بنظام عك عك وربك يفك ولا ازاى يعنىعلى فكرة الدورة دى نجحت علشان كل واحد فى الصين كان عايزها تنجح وكل الناس كانت شغاله صح يعنى ماكنش هدفهم مثلا انهم يقلبوا السياح اللى جايين

ولكن كان هدفهم يرفعوا اسم بلدهموكل واحد فيه كان عارف شغله صح مش بيفبرك ويطلصق وكان جايزة كل واحد فيهم ان بلادهم يطلع شكلها جميل مش انه هيقبض كام وكمان الصين مش نجحت فى التنظيم بس دى نجحت انها تكسب الدورة كمان تفتكر انت ليه بقى؟؟؟؟؟؟؟؟؟؟؟؟؟؟كل واحد هناك بيشتغل صح يعنى من اول عمال النظافة لحد اللاعبين كل الناس عايزيين بلدهم بتقى احلى مش احلى بس ده الكل عاوزها تبقى الاحلى والاحسنواحنا الحد لله زى ما احنا وكمان تقريبا بنتاخر ههههههههههههههجبنا ميداليه برنز يا حلاوة والحمد لله اهديناها للسيد الرئيس راعى الرياضة فى مصر بزمتكم مش حاجه تكسف فاياريت اللى يشتغل حاجة يشتغلها صح او انه يقعدفى البيت احسن له واحسن لنا

والى مزيد من الانتصارات.....؟؟؟؟؟؟؟؟؟؟؟؟؟؟؟

انت مين من دول

البعض نحبهم

ويؤلمنا الإبتعاد عنهم

ويصعب علينا تصور الحياه حين تخلو منهم

والبعض نحبهم

ونتمنى أن نعيش حكايه جميله معهم

ونفتعل الصدف لكي نلتقي بهم

ونختلق الأسباب كي نراهم

ونعيش في الخيال أكثر من الواقع معهم

والبعض نحبهم

لكن بيننا وبين أنفسنا فقط ..

فنصمت برغم ألم الصمت .

فلانجاهر بحبهم حتى لهم

لأن العوائق كثيره والعواقب مخيفهو

من الأفضل لنا ولهم أن تبقى الأبواب بيننا وبينهم مغلقه

والبعض نحبهم .

لأننا لانجد سواهم

وحاجتنا إلى الحب تدفعنا نحوهم

فالأيام تمضي والعمر ينقضي

والزمن لايقف ويرعبنا بأن نبقى بلارفيق

فمن انت من هؤلاء ...

عكس عكاس.............(بلد العجائب)

بعد دراسه ودتدقيق و تفحيص فى المجتمع المصرى الغريب جدا جدا جد

اكتشفنا النظريه اللى تنطبق على المصريين بنسبه 99%

وهى نظريه عكس عكاس يعنى من الاخر البلد دى ماشية بالعكس

ماينفعش تمشى عدل فيها!!!!!!!!!!!!!!!

وان مشييت مظبوط هتلاقى الناس بتبصلك باندهاش وممكن يفتكروك

مش من مصر او حتى سايح

يعنى مثلا انت لو فى اى بلد تانية وعايز تشترى عيش .

بسهوله جدا هتروح تشترى العيش

اما طالما انك فى مصر فالامر مختلف خاااااااااالص ............

قولى ليه بقى ؟؟؟؟؟؟؟؟؟؟؟؟؟؟

اولا:علشان تشترى عيش فى مصرلازم طولك يزيد عن 180 سنتيميتر والوزن ومن 100 كيلو وانت طالع علشان الموضوع ده عاوز صحة فشراء العيش فى مصر اشبه بماتش مصارعة او ركبى

او تكون مظبط نفسك وعندك واسطه فى الفرن.

يا سلام دا انت كده تبقى راجل واصل

ولا تحتاج انك تتعب نفسك وياريت تجبلى معاك

انا بقول نسيبنا من موضوع العيش

تعالوا نشوووف مثلا اللغه

المصريين غيروا اللغه خالص

عايز تعرف ازاى روح اى مصلحة تخلص ورق ليك هتلاقى ترحاب فظيع من الموظفين

وهتلاقى كل الناس بتقلك صباح الخير يابيه ......صباح الخير يبه

ساعتها اوعى تفكر انك ترد على صباح الخير بصباح النور والا ابقى قابلنى لو ورقك خلص

واوعى تفتكر ان الناس اللى بتقولك صباح الخير دول يعنى انهم صاحيين متفائليين اوى

المفروض الرد لصباح الخير فى مصر دلوقتى بقى انك بكل هدوء تحط ايدك فى جيبك

وتصبح على الباشا علشان تخلص

ولو معملتش كده اكد هيعرفوا انك مش من هنا وممكن يشككوا فى انك مصرى .

فانا بجد مش عارف ايه الحكايه هو العيب فى مين

ولله موضوع غريب جدا بس فى مصر بلد العجايب كل شيء ممكن

وممكن انا اكون كالعاده بخرف وانا اللى فاهم غلط

بسم الله الرحمن الرحيم

عند البدء بالمذاكرة أو الدخول إلي الامتحان:
((ربي أدخلني مدخل صدق و أخرجني مخرج صدق و اجعل لي من لدنك سلطانا نصيرا ))
(( بسم الله ربنا عليك توكلنا و إليك المصير بسم الله توكلت علي الله و لا حول و لا قوة إلا بالله ))
أثناء المذاكرة و الامتحان:
(( رب اشرح لي صدري و يسر لي أمري و احل العقدة من لساني يفقهوا قولي))
عندما يوسوس الشيطان للفرد أثناء المذاكرة أو الامتحان:
(( وقل ربي أعوذ بك من همزات الشياطين و أعوذ بك ربي أن يحضرون ))
((عوذ بالله السميع العليم من الشيطان الرجيم و من همزاه و نفخه و نفثه))
عند نسيان شيء أثناء المذاكرة أو الامتحان:
(( ربي لا تؤاخذنا إن نسينا أو أخطأنا ))
(( اللهم راد الضالة و هادي الضالة أنت تهدي من الضلالة اردد علي ضالتي بقدرتك و سلطانك فآتها من عطائك و فضلك))
عند الشعور بالقلق أثناء المذاكرة ة والامتحان:
(( ربنا لا تزغ قلوبنا بعد أن هديتنا و هب لنا من لدنك رحمة انك أنت الوهاب))
(( اللهم علمني ما ينفعني و انفعني بما علمتنا و زدنى علما))
عند مواجهة الفرد الصعوبة في المذاكرة و الامتحان :
(( لا الله ألا أنت سبحانك إن كنت من الظالمين اللهم برحمتك أرجوك فلا تكلني إلي نفسي طرفة عين و أصلح لي شأني كله لا اله إلا أنت اللهم لا سهل إلا ما جعلتها سهلا و أنت تجعل الحزن سهلا))
عند الانتهاء من المذاكرة أو الامتحان:
((الحمد الله الذي بنعمته تتم الصالحات سبحان ربك رب العزة عم يصفون و سلام علي المسلين و الحمد الله رب العالمين ))

بيقولوا علينا فراعنة!!!!!!!!!!!

بيقولوا علينا فراعنة انتم مصدقين
انا كنت متاكد زمان اننا فراعنة بس لما عرفت مين هم الفراعنة بدات اشك فى الموضوع
علشان الفراعنة دول ناس بتحب الشغل اوووى وبيعملوا شغلهم بدقة شديدة اوى اوى اوى
طبعا دول اكيد غيرنا خاااااااااالص لان المصريين اكتر ناس بتحب النوم
واحسن ناس بتفبرك وماشيين بنظام ماشى حالك وكبر دماغك
واكيد انت عارف ان المصريين اكتر ناس بتحب العك واللخبطة فى كل حاجة فى حياتهم
ولو عايز تتاكد انزل الشارع وانت تشوف
بزمتك دى اشكال فراعنة دى اشكال ناس بتشتغل بزمة
اكيد لااااااااا مع الاعتذار للفلتات
فانا قعدت افكر فى الموضوع
احنا ازاى بقينا فى مصر واحنا اكيد مش الفراعنة طب يا جماعة الفراعنة راحوا فين
فانا اتوقع ان الفراعنة اكيد سابوا مصر من زمان اوى
الله اعلم يمكن جالهم عقد عمل فى ايطاليا او فى الصين او فى اليابان
وبعدين المصريين اللى هم احنا جم مصر- الله اعلم منين- وخدوها بوضع اليد
وبالمرة كدبوا على نفسهم وقالوا يبقى اكيد احنا الفراعنة
فيا جماعة لو فى حد من الفراعنة لسه ما سفرش يقول ويعرف الناس مين هم الفراعنة

2009 لختراق الشبكات و الاميلات

بسم الله الرحمن الرحيم

الي عاوز يخترق اي شبكة او اي اميل بطريقة 2009 التي لا تستطيع برامج الحماية ان تكتشفها

و حتي لو عرفتها مش هتقدر تعمل معاها حاجة .

افترض ان ليك صاحب اسمه حسام عاوز تخترق الجهاز بتاعة علي الشبكة و هو عامل رقم سري و عاوز تخترق الاميل بتاعة

و تعرف كل اسرارة .

اول حاجة افتح الاكسل و في اول مستطيل اكتب اختراق و احفظ الملف باسم اختراق حسام بطريقة 2009 بس بشرط ن يكون الاوفس 2003.

اخرج و اطفي الكمبيوتر بتاعك و بعدين روح لحسام و معاك اتنين من اصحابك و معاكوا حبل و امسكه ربطه في السرير و انزل فيه ضرب لحد ما يقول لك علي الرقم السري الي انت عاوز تعلرفه

هى مصر دى فين

صحيح هى مصر دى فين
انا كنت باسمع التليفزيون امبارح وكنت باتفرح على الاعلانات فلقيت الاعلان بتاع نورت مصر
اللى معمول علشان تنشيط السياحة
قلت يا خبر ابيض هى مصر دى فين
دى باين عليها حلوة اوووووى .....الله دى جميله جدااااااااا
دى احسن من اى حتة فى العالم
بس سالت نفسى سؤال هو مش انا مصرى؟
اه والله صحيح انا مصرى والمفروض انى عايش فى مصر
بس اكيد مصر اللى انا عايش فيها مش هى اللى فى الاعلان
انا محتار يمكن فى بلد تانيه اسمها مصر غير بلدنا والبلد دى اكيد حلوة اووووى
ولا يمكن انا عايش فى بلد تانيه وكل الناس اللى حوليا مضحوك عليهم وفكرين انهم فى مصر
والله احتمال كبير اصل الناس اللى اعرفهم كلهم طيبين وبيصدقوا اى حاجة
ومين يعرف يمكن اكون انا بجد من مصر الحلوة وانا تايه مثلا
وياااااا رب اطلع فعلا تايه او مش واخد بالى اصل مصر دى طلعت حلوة اوووى
ما تيجوا يا جماعة ندور على مصر الحلوة شوية بدل ما احنا قاعدين كدة او نحاول نخلى مصرنا اللى مش حلوة احسن
ولا انا باتكلم غلط وكلكم عايشيين فى مصر الحلوة وانا بس اللى مش عارف هى فين
فلو كنتم عارفيين مكانها ينوبكم صواب قلولى عليه

ابليس عايز يطفش

على باب سفارة كندا

انا جبتلكم قصيدة لعلى سلامة يا رب تعجبكم


على باب سفاره كندا
لمحت أبليس وف أيده
أستماره
بقوله على فين
قالى بص
يا هجره يا أعاره
يا عم كفرت زهقت
ألاقيش معاك سيجاره
أنا أنتهيت خلاص
لا نافع وسواس ولاخناس
ولا ليا عيش وسطالناس
دى عالم مجرمين
عندكوا فائض ف الفساد
فى كل البلاد
ومش محتاجين شياطين
مليش عيش ف البلد دى
بقالى سنين عاطل
وأنتوا بتعرفوا تقلبوا الحق باطل
وتسلكوا القاتل
وتمشوا ف جنازه المقتول
ومفيش مشاكل
يا عم ده أنا بقيت أوسوس
بالمقلوب
وأقول للحرامى كفايه بقىتـــوب
أنت هتعمل كل الذنوب
لوحدك
وأنا أبليس أشتغل واعظ ولا كمسارى ف أتوبيس
يا عم دا أنا زمان كنت أستنى حد ينسى يسمى
وهو بيأكل لقمته
دلوقتى كل أكلكم ملوث
وبصراحه الواحد خايف على صحته
ده مفيش ضمير أساسا
علشان أموته
كل واحد بمزاجه خربانه ذمته
يا عم دا كل حاجه أتسرقت
وكده الأجيال الجديده من الحراميه
... أتظلمت
يا راجل دا من كتر ما لطشت معايا
خرجت ف مظـــاهره مع الناس اللى بتقول كفايه
!!وبرضـــه مفيش فايــــده

اوعى تركب الاوتوبيس

يا نهار ابيض الواحد بيحصل له مواقف بتموت من الضحك وبالذات لو كنت فى مصر وكمان عايز تروح بالاوتوبيس انا لما بفتكر اللى حصل بموت على نفسى من الضحك مع ان الفصل ده حصل معايا انا على العموم انا كنت رايح اركب الاوتوبيس (علبه السالمون) والدنيا كنت حر وتيجى تبص للناس اللى واقفة تلقيهم بيبصوا لبعض بقرف وكرهين نفسهم من الحر ولحسن الحظ كان فية مظله علشان الشمس بس كان فى حاجة غربية جدا يا ترى كانت اية ................. الغريب ان كل الناس كانوا واقفين فى الشمس وسيبين المظله مفيش حد قاعد عليها قلت سبحان الله هم الناس نظرهم ضعف ولا هم اتعودوا على الوقوف ولا هم يمكن يكونوا بيسخنوا علشان اكيد هنقف فى الاتوبيس قلت ياواد دى فرصتك علشان اجرب اقعد تحت المظلة مرة فى حياتى والحمد لله قعد كنت فرحان اوىىىىىى وعمال العب برجلى واتنطط ما انا قاعد لوحدى بقى وفجاءه حصل اللى الناس كانت خايفة منة ............يا ترى اية؟
وانا بالعب برجلى وفرحان ليقيت حاجة بتمسك رجلى وتشدها وفجاء لحظات الفرح اتحولت الى رعب ونطيت فى الهواااااااا وبصوت عالى قلت اااااااااااههههههههههههههههههههههههههههههههههههه ولقيت كل الناس اللى كانت قرفانه من نفسها بتضحك لدرجة القهقهه وسمعت صوت ضحكة من تحتى وكانت المفاجاءة الكبرى وكانت هى السبب فى الصرخة ههههههههه كان فيه واحد نايم تحت المظله وانا بطنطط عليها صحيتة ورجلى كانت هتخبط فية علشان كدة كان بيشد رجلى ههههههههههههههههههههههههههههههههههههه وعلشان كدة انا بانصح كل واحد انك ماتعملش نفسك فركوك وتبعد عن الناس وان عملت كده لاااازم تفتش المكان

مين هو الشعب المصري

انتظر المفاجئة

سمع هووووس افلام الصيف بدأت

بما ان انا فاضى فانا بحب اعمل حاجات كتير فى الاجازة منها ان انا بحب اتفرج على افلام الكاتون
من الاخر انا مدمن افلام كارتون بس مش عارف ليه.
وعلى فكرة مستوى الكاتون دلوقتى عالى اوىىىىىىىىىىىى
يعنى مبقاش قط بيجرى ورا فار والهبل ده .
ده بقى احسن والله من الافلام الاجنبى والعربى كمان
يعنى بقى فيه قصة ودراما وسعات اكشن والله انا بقول نلغى الافلام العادية علشان دى مبقتش افلام دى بقت قله ادب
وتيجى تكلم اى مخرج عن اى مصيبه هو عملها فى الفيلم بتاعه يقول بمنتهى العنطزة انا بجسد الواقع
كل النماذج دى موجودة فى المجتمع .
مع انى والله العظيم عايش فى الدنيا دى بقالى حوالى 19 سنة والحمد لله ماشفتش
النماذج دى ويارب ما اشوفها
وسعات باسال نفسى سوال هى الناس دى جريئة كدة ليه وكمان بيبالغوا اوى فى كل حاجة ويقولوا احنا لازم نواجه قضايا المجتمع بكل جرأة ووضوح هو احنا هنضل دفسيين دمغنا فى الرمل لحد امتى
سبحان الله يعنى انت تشيل دماغك من الرمل وتحطها فى الزبالة اية التفكير الجامد دة.
لا والله شكلك صاحب نظرية
وشوية شوية احتمال نقول عليك عالمى ومبدع ايه يا واد الحلاوة دى هههههههههههههه
فاجبتلك من الاخر الحل انك تسمع كارتون وتكبر دماغك (تنظف دماغك وافكارك)
والله تريح نفسك وعلى الاقل ترحم المبدع ده انه يشيل ذنبك
الله يكون فى عونه هو هيشيل ايه ولا ايه
وربنا يستر على ولايانا
ايه رايك يا هندسة فى الموضوع دة

مقدمة ( انا وصاحبى )

مين هو صاحبى:

هو اكتر واحد بقبى معاياه يعنى
انا وصاحبى رحنا الكلية
وانا وصاحبى رجعنا من الكلية
وانا وصاحبى بنذاكر شوية
وانا وانا وصاحبى بنصيع شوية
وانا وصحابى بنعاكس بنات
وانا وصحابى بنجيب مذكرات
وانا وصاحبى بنروح نصلى
يعنى صاحبى ده معايا فى كل مصيبة حلوة او وحشة
فا انا وصحابى لازم نبقى مع بعض على طول فانا وصاحبى قررنا ان
اى حد عايز يكتب اى حاجة عن اى موضوع يكتبها ونعرف اصحاب اكتر
وياريت تقول لصاحبك.